ܛܘܼܪܵܦܵܐ (ܡܲܫܝܲܡܬܵܐ) ـ ܗܲܝܲܪܬܵܐ ܩܵܐ ܗܘܼܦܵܟܼ ܥܒܼܵܕܵܘܟܼܘܿܢ ܘܒܣܵܡܬܵܘܟܼܘܿܢ (Assyrian)

ܐܲܝܟܵܐ ܠܩܢܵܝܵܐ ܗܲܝܲܪܬܵܐ

• GP (ܐܵܣܝܵܐ) ܕܕܝܼܵܘܟܼܘܿܢ
• ܚܲܒܝܼܪܵܘܟܼܘܿܢ ܕܚܘܼܠܡܵܢܵܐ ܕܗܵܘܢܵܐ، ܐܲܝܟܼ ܚܲܕ ܐܵܣܝܵܐ ܚܲܒܝܼܪܵܐ ܒܡܘܼܚܵܐ ܘܗܵܘܢܵܐ، ܐܵܣܝܵܐ ܕܢܲܦ̮ܫܵܐ، ܡܵܠܘܿܟܼܵܐ ܝܲܢ ܦܵܠܵܚܵܐ ܫܲܘܬܵܦܵܝܵܐ
• ܩܸܢܛܪܘܿܢܵܘܟܼܘܿܢ ܡܲܗܲܠܵܝܵܐ ܕܚܘܼܠܡܵܢܵܐ ܕܟܢܘܼܫܬܵܐ
• ܚܸܠܡܲܬ ܕܫܲܕܲܪܬܵܐ ܕܫܲܘܬܵܦܘܼܬܵܐ ܢܲܦ̮ܫܵܢܵܝܬܵܐ ܐܘܿܣܬܪܵܠܵܝܬܵܐ ܬܹܠܹܦ̮ܘܿܢ 497 333 1800
• ܩܸܢܛܪܘܿܢ ܕܦ̮ܝܼܢܸܟܣ ܐܘܿܣܬܪܵܠܝܵܐ ܩܵܐ ܚܘܼܠܡܵܢܵܐ ܕܗܵܘܢܵܐ ܒܵܬ݉ܪ ܛܘܼܪܵܦܵܐܬܹܠܹܦ̮ܘܿܢ 5599 9035 (03)
• ܩܸܢܛܪܘܿܢ ܕܚܲܫܵܐ ܘܕܚܲܫܵܐ ܕܦܘܼܪܫܵܢܵܐܬܹܠܹܦ̮ܘܿܢ 066 642 1800

ܗܲܝܲܪܬܵܐ ܡܲܓܵܢܵܝܬܵܐ ܕܚܲܒܝܼܪܵܐ ܕܛܘܼܪܵܦܵܐ:

• ܐܸܢ ܐܲܚܬܘܿܢ ܗܘܹܝܹܐ ܝܬܘܿܢ ܚܲܕ ܦܲܪܨܘܿܦܵܐ ܕܦܝܼܫܵܐ ܝܠܹܗ ܥܘܼܓ̰ܸܙܵܐ ܒܣܲܒܵܒ ܕܚܕܵܐ ܪܲܫܝܼܥܘܼܬܵܐ، ܣܲܚܒܸܪܘܼܢ ܠܫܲܘܦܵܐ victimsofcrime.vic.gov.au/services-for-victims-of-crime-[ܐܵܬܘܿܪܵܝܵܐ]. ܐܲܚܬܘܿܢ ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܕܗܲܝܲܪܬܵܐ ܕܦܲܪܨܘܿܦܹܐ ܥܘܼܓ̰ܸܙܹܐ ܒܣܲܒܵܒ ܕܪܲܫܝܼܥܘܼܬܵܐ ܥܲܠ ܡܸܢܝܵܢܵܐ 817 819 1800. ܬܲܪܓܡܵܢܹܐ ܝܼܢܵܐ ܡܸܬܩܲܢܝܵܢܹܐ.
• ܐܸܢ ܫܲܒܼܪܵܘܟܼܘܿܢ ܦܝܼܫܵܐ ܝܠܹܗ ܥܘܼܓ̰ܸܙܵܐ ܒܗܲܪܲܫܬܵܐ ܓܸܢܣܵܝܬܵܐ ܕܲܠܩܘܼܒܼܠ ܕܫܲܒܼܪܹܐ ܓܵܘ ܩܸܢܛܪܘܿܢ ܕܝܲܨܝܼܦܘܼܬܵܐ ܕܫܲܒܼܪܹܐ ܓܵܘ ܟܠܵܗܿ Melbourne، ܐܝܼܬ ܚܲܕ ܚܘܼܛܵܐ ܡܲܓܵܢܵܝܵܐ ܢܕܝܼܪܵܐ ܥܲܠ ܡܸܢܝܵܢܵܐ 241 791 1800. ܬܲܪܓܡܵܢܹܐ ܝܼܢܵܐ ܡܸܬܩܲܢܝܵܢܹܐ.
• ܐܸܢ ܐܲܚܬܘܿܢ ܗܘܹܝܹܐ ܝܬܘܿܢ ܓܵܘ ܚܲܕ ܓܸܕܫܵܐ ܕܪܵܕܝܼܬܵܐ، ܡܲܚܒܸܪܘܼܢ ܩܵܐ ܟܢܘܼܫܬܵܐ ܕ Amber ـ ܣܢܵܕܬܵܐ ܕܓܸܕܫܵܐ ܕܫܒܼܝܼܠܵܐ ܘܝܘܼܠܦܵܢܵܐ ܥܲܠ 6900 8877 (03) ܝܲܢ 797 367 1300.

ܐܲܚܬܘܿܢ ܡܵܨܝܼܬܘܿܢ ܩܵܢܝܼܬܘܿܢ ܚܕܵܐ ܢܲܨܝܼܗܲܬ ܡܼܢ:

• Lifeline (ܚܘܼܛܵܐ ܕܚܲܝܹܐ)ܬܹܠܹܦ̮ܘܿܢ 14 11 13
• GriefLine (ܚܘܼܛܵܐ ܕܚܲܫܵܐ)ܬܹܠܹܦ̮ܘܿܢ 745 845 1300
• beyondblue ܬܹܠܹܦ̮ܘܿܢ ܡܸܢܝܵܢܵܐ 4636 22 1300
• NURSE-ON-CALL (ܝܵܨܘܿܦܬܵܐ ܒܥܸܕܵܢܵܐ ܕܛܠܵܒܬܵܐ)ܬܹܠܹܦ̮ܘܿܢ 24 60 60 1300 ـ ܩܵܐ ܩܢܵܝܬܵܐ ܕܡܵܘܕܥܵܢܘܼܬܵܐ ܘܢܲܨܝܼܗܲܬ ܕܚܘܼܠܡܵܢܵܐ ܡܼܢ ܚܲܒܝܼܪܹܐ (24 ܣܵܥܲܬܹܐ ܒܝܵܘܡܵܐ، 7 ܝܵܘܡܵܢܹܐ ܒܫܵܒܼܘܿܥܵܐ)
• ܫܲܘܦܵܐ ܐܸܠܸܟܬܪܘܿܢܵܝܵܐ ܐܘܿܣܬܪܵܠܵܝܵܐ ܕܐܲܒܼܵܗܘܼܬܵܐ ـ raisingchildren.net.au

ܐܲܚܬܘܿܢ ܐܵܦ ܡܵܨܝܼܬܘܿܢ ܡܲܫܡܸܥܝܼܬܘܿܢ ܠܐܵܗܵܐ podcast ܕܛܘܼܪܵܦܵܐ ܘܕܒܣܵܡܬܵܐ.

ܣܲܚܒܸܪܘܼܢ ܠܬܲܪܓܲܡܝܵܬܹܐ ܕܚܘܼܠܡܵܢܵܐܩܵܐ ܡܵܘܕܥܵܢܘܼܬܵܐ ܕܛܘܼܪܵܦܵܐ ܘܕܒܣܵܡܬܵܐ ܒܠܸܫܵܢܵܘܟܼܘܿܢ.

ܕܵܐܟܼܝܼ ܒܲܠܟܵܐ ܐܲܚܬܘܿܢ ܗܵܘܹܐ ܗܘܼܦܵܟܼ ܥܒܼܵܕܵܘܟܼܘܿܢ ܠܛܘܼܪܵܦܵܐ

ܐܘܼܪܚܵܐ ܕܐܲܚܬܘܿܢ ܗܵܘܹܐ ܗܘܼܦܵܟܼ ܥܒܼܵܕܵܘܟܼܘܿܢ ܠܛܘܼܪܵܦܵܐ ܬܠܝܼܬܵܐ ܝܠܵܗ̇ ܥܲܠ:

• ܬܲܗܵܪܵܐ ܘܩܸܫܝܘܼܬܵܐ ܕܩܲܘܲܡܬܵܐ ܛܘܼܪܵܦܵܝܬܵܐ
• ܐܸܢ ܐܝܼܬܠܵܘܟܼܘܿܢ ܟܠܚܲܕ ܢܸܣܝܵܢܵܐ ܝܲܢ ܬܲܠܡܲܕܬܵܐ ܕܲܥܒܼܲܪ
• ܐܸܢ ܐܲܚܬܘܿܢ ܫܘܼܪܸܟܹܐ ܝܬܘܿܢ ܗܘܵܐ ܚܲܕܪܹܫܵܐ ܝܲܢ ܝܬܘܿܢ ܗܘܵܐ ܚܲܕ ܦܲܪܓ̰ܵܢܵܐ
• ܟܡܵܝܘܼܬܵܐ ܕܗܲܝܲܪܬܵܐ ܡܸܬܩܲܢܝܵܢܬܵܐ ܩܵܐܠܵܘܟܼܘܿܢ ܡܼܢ ܒܵܬ݉ܪ ܩܲܘܲܡܬܵܐ
• ܡܸܢܕܝܼܵܢܹܐ ܐ݉ܚܹܪ݉ܢܹܐ ܡܲܥܝܸܩܵܢܹܐ ܕܠܸܒܵܐ ܕܒܸܗܘܵܝܵܐ ܝܢܵܐ ܓܵܘ ܚܲܝܵܘܟܼܘܿܢ
• ܕܵܐܟܼܝܼ ܐܲܚܬܘܿܢ ܥܝܵܕܵܐܝܼܬ ܟܹܐ ܩܵܕܝܼܬܘܿܢ ܠܵܗܿ ܥܲܡ ܩܲܘܲܡܝܵܬܹܐ ܡܲܥܝܸܩܵܢܹܐ ܕܠܸܒܵܐ
• ܐܝܼܬܠܵܘܟܼܘܿܢ ܗܘܹܝܹܐ ܐܲܝܢܝܼ ܢܸܣܝܵܢܹܐ ܛܘܼܪܵܦܵܝܹܐ ܒܕܲܥܒܼܲܪ.

ܐܝܼܡܲܢ ܕܚܕܵܐ ܩܲܘܲܡܬܵܐ ܡܲܥܝܸܩܵܢܬܵܐ ܕܠܸܒܵܐ ܟܹܐ ܦܵܪܩܵܐ، ܐܲܚܬܘܿܢ ܒܲܠܟܵܐ ܡܲܫܟܼܚܝܼܬܘܿܢ ܠܵܗܿ ܓܵܢܵܘܟܼܘܿܢ ܓ̰ܲܪܘܼܒܹܐ ܕܦܲܪܡܝܼܬܘܿܢ ܠܵܗܿ ܩܲܘܲܡܬܵܐ. ܐܵܗܵܐ ܡܵܨܹܐ ܕܚܵܒܼܹܫ ܬܲܚܡܲܢܬܵܐ ܒܘܼܬ:

• ܕܵܐܟܼܝܼ ܘܩܵܐ ܡܘܿܕܝܼ ܗܘܹܐܠܵܗܿ ܩܲܘܲܡܬܵܐ
• ܕܵܐܟܼܝܼ ܘܩܵܐ ܡܘܿܕܝܼ ܐܲܚܬܘܿܢ ܝܼܬܘܿܢ ܗܘܵܐ ܫܘܼܪܸܟܹܐ ܓܵܘ ܩܲܘܲܡܬܵܐ
• ܩܵܐ ܡܘܿܕܝܼ ܝܬܘܿܢ ܒܸܪܓܼܵܫܵܐ ܒܗܿܝ ܐܘܼܪܚܵܐ ܕܒܸܪܓܼܫܵܐ ܝܬܘܿܢ
• ܐܸܢ ܪܓܼܵܫܝܵܬܹܐ ܕܐܝܼܬܠܵܘܟܼܘܿܢ ܝܼܢܵܐ ܡܲܚܙܘܼܝܹܐ ܡܘܿܕܝ݉ ܬܲܗܵܪܵܐ ܕܒܲܪܢܵܫܵܐ ܐܲܚܬܘܿܢ ܝܼܬܘܿܢ
• ܐܸܢ ܢܸܣܝܵܢܵܐ ܩܲܡ ܫܲܚܠܸܦܠܵܗܿ ܓܲܫܲܩܬܵܘܟܼܘܿܢ ܒܘܼܬ ܚܲܝܹܐ، ܘܕܵܐܟܼܝܼ.

ܐܲܚܬܘܿܢ ܒܲܠܟܵܐ ܐܵܦ ܡܢܲܣܝܼܬܘܿܢ ܗܘܼܦܵܟܼ ܥܒܼܵܕܹܐ ܪܸܓܼܸܫܬܵܢܵܝܹܐ، ܗܵܘܢܵܝܹܐ، ܦܲܓܼܪܵܢܵܝܹܐ ܘܕܘܼܒܵܪܵܝܹܐ.

ܗܘܼܦܵܟܼ ܥܒܼܵܕܹܐ ܪܸܓܼܸܫܬܵܢܵܝܹܐ ܠܛܘܼܪܵܦܵܐ

ܐܲܚܬܘܿܢ ܒܲܠܟܵܐ ܪܵܓܼܫܝܼܬܘܿܢ:

• ܪܵܒܵܐ ܟܟ̰ܝܼܚܹܐ ܢܲܦ̮ܫܵܢܵܐܝܼܬ، ܠܗܝܼܩܹܐ ܝܲܢ ܙܸܕܥܝܹܐ
• ܦܩܵܥܝܵܐ ܠܸܒܵܘܟܼܘܿܢ، ܐܲܝܟܼ ܕܐܸܢ ܚܲܕ ܡܸܢܕܝܼ ܐ݇ܚܹܪ݇ܢܵܐ ܒܸܕ ܩܲܘܸܡ
• ܐܲܝܟܼ ܕܐܸܢ ܐܲܚܬܘܿܢ ܝܼܬܘܿܢ ܓܵܘ ܩܸܢܛܵܐ
• ܬܒܼܝܼܢܹܐ ܝܲܢ ܛܪܝܼܦܹܐ
• ܫܓܼܝܼܫܹܐ
• ܪܵܒܵܐ ܓܵܗܹܐ ܪܸܓܼܸܫܬܵܢܵܝܹܐ ܘܣܩܝܼܕܹܐ
• ܟ̰ܸܡ ܪܵܒܵܐ ܫܘܼܪܫܸܝܹܐ ܘܟܟ̰ܝܼܚܹܐ
• ܥܝܼܩܹܐ
• ܢܵܛܪܵܢܹܐ ܩܵܐ ܐ݉ܚܹܪ݉ܢܹܐ ܒܸܚܒܼܵܫܵܐ ܒܲܝܬܘܼܬܵܐ ܘܚܲܒܼܪܵܢܹܐ
• ܐܲܝܟܼ ܕܐܸܢ ܐܲܚܬܘܿܢ ܠܹܐ ܒܵܥܝܼܬܘܿܢ ܕܦܵܠܛܝܼܬܘܿܢ ܡ̣ܢ ܒܲܝܬܵܘܟܼܘܿܢ
• ܐܲܝܟܼ ܕܐܸܢ ܐܲܚܬܘܿܢ ܒܵܥܝܼܬܘܿܢ ܓܵܪܫܝܼܬܘܿܢ ܠܵܗܿ ܓܵܢܵܘܟܼܘܿܢ ܝܲܢ ܪܵܚܩܝܼܬܘܿܢ ܡܼܢ ܐ݉ܢܵܫܹܐ ܘܕܘܼܟܵܢܹܐ.

ܐܲܢܹܐ ܗܘܼܦܵܟܼ ܥܒܼܵܕܹܐ ܝܼܢܵܐ ܥܝܵܕܵܝܹܐ، ܘܒܲܠܟܵܐ ܐܲܚܬܘܿܢ ܪܵܓܼܫܝܼܬܘܿܢ ܪܵܒܵܐ ܡܼܢ ܕܐܲܢܹܐ ܗܘܼܦܵܟܼ ܥܒܼܵܕܹܐ ܒܚܕܵܐ ܓܵܗܵܐ.

ܝܼܠܵܗܿ ܚܲܕ ܣܲܗܡܵܐ ܡܼܢ ܒܣܵܡܬܵܐ ܟܝܵܢܵܝܬܵܐ ܕܦܲܓܼܪܵܘܟܼܘܿܢ ܘܕܥܵܪܬܵܐ ܕܡܨܵܝܬܵܘܟܼܘܿܢ، ܘܒܣܲܗܡܵܐ ܙܵܘܕܵܐ ܕܓܵܗܹܐ ܐܲܚܬܘܿܢ ܒܸܕ ܪܵܓܼܫܝܼܬܘܿܢ ܒܘܼܫ ܨܦܵܝܝܼ.

ܗܘܼܦܵܟܼ ܥܒܼܵܕܹܐ ܗܵܘܢܵܝܹܐ ܠܛܘܼܪܵܦܵܐ

ܐܲܚܬܘܿܢ ܒܲܠܟܵܐ:

• ܗܵܘܝܵܐ ܠܵܘܟܼܘܿܢ ܥܲܣܩܘܼܬܵܐ ܒܩܲܢܛܪܲܢܬܵܐ ܕܪܸܥܝܵܢܵܘܟܼܘܿܢ ܝܲܢ ܒܕܟܼܵܪܬܵܐ ܕܡܸܢܕܝܼܵܢܹܐ
• ܬܲܚܡܸܢܝܼܬܘܿܢ ܒܘܼܬ ܡܸܢܕܝܼܵܢܹܐ ܐܝܼܡܲܢ ܕܐܲܚܬܘܿܢ ܠܵܐ ܒܵܥܝܼܬܘܿܢ
• ܦܵܝܫܝܼܬܘܿܢ ܒܸܬܢܵܝܵܐ ܕܟܼܵܪܬܵܐ ܕܩܲܘܲܡܬܵܐ ܚܕܵܐ ܓܵܗܵܐ ܒܵܬ݉ܪ ܗܿܝ ܐ݉ܚܹܪ݉ܬܵܐ ܓܵܘ ܒܵܠܵܘܟܼܘܿܢ
• ܗܵܘܝܼܬܘܿܢ ܫܓܼܝܼܫܹܐ ܝܲܢ ܒܝܼܕܵܥܵܐ ܠܐܲܝܢܝܼ ܨܵܘܒܵܐ ܗܵܘܹܐ ܒܵܠܵܘܟܼܘܿܢ.

ܗܘܼܦܵܟܼ ܥܒܼܵܕܹܐ ܦܲܓܼܪܵܢܵܝܹܐ ܠܛܘܼܪܵܦܵܐ

ܦܲܓܼܪܵܘܟܼܘܿܢ ܒܲܠܟܵܐ:

• ܗܵܘܹܐ ܟܟ̰ܝܼܚܵܐ ܒܩܸܫܝܘܼܬܵܐ ܝܲܢ ܫܘܼܪܫܸܝܵܐ
• ܒܸܚܙܵܝܘܿܗܿ ܙܲܗܡܲܬ ܕܕܵܡܟ݂ܝܼܬܘܿܢ
• ܡܢܲܣܘܼܝܹܐ ܓܒܼܵܠܬܵܐ ܕܠܸܒܵܐ، ܡܲܕܥܲܪܬܵܐ، ܓܲܫܲܢܬܵܐ ܘ ܡܲܪܥܹܐ ܕܪܹܫܵܐ
• ܡܢܲܣܘܼܝܹܐ ܕܥܵܬܵܐ ܙܵܘܕܵܐ ܡܼܢ ܠܵܙܹܡ
• ܐܝܼܬܠܹܗ ܕܲܪܓܼܵܐ ܪܵܡܵܐ ܕܡܚܵܝܵܬܹܐ ܕܠܸܒܵܐ.

ܗܘܼܦܵܟܼ ܥܒܼܵܕܹܐ ܕܘܼܒܵܪܵܝܹܐ ܠܛܘܼܪܵܦܵܐ

ܐܲܚܬܘܿܢ ܒܲܠܟܵܐ ܒܵܥܝܼܬܘܿܢ ܕ:

• ܠܵܐ ܦܵܝܫܝܼܬܘܿܢ ܡܘܼܕܟܼܸܪܹܐ ܒܘܼܬ ܩܲܘܲܡܬܵܐ
• ܦܵܝܫܝܼܬܘܿܢ ܬܲܚܡܘܼܢܹܐ ܘܗܲܡܙܘܼܡܹܐ ܒܘܼܬ ܡܘܿܕܝܼ ܩܘܼܘܸܡܠܹܗ
• ܫܲܚܠܸܦܝܼܬܘܿܢ ܝܲܢ ܓܵܪܫܝܼܬܘܿܢ ܠܵܗܿ ܓܵܢܵܘܟܼܘܿܢ ܡܼܢ ܡܸܢܕܝܼܵܢܹܐ ܕܐܲܚܬܘܿܢ ܥܝܵܕܵܐܝܼܬ ܟܹܐ ܥܵܒܼܕܝܼܬܘܿܢ ܠܗܘܿܢ ܡܼܢ ܝܵܘܡܵܐ ܠܝܵܘܡܵܐ
• ܐܵܟܼܠܝܼܬܘܿܢ ܪܵܒܵܐ ܒܘܼܫ ܙܵܘܕܵܐ ܝܲܢ ܪܵܒܵܐ ܒܘܼܫ ܒܵܨܘܿܪܵܐ
• ܫܵܬܝܼܬܘܿܢ ܒܘܼܫ ܙܵܘܕܵܐ ܐܲܠܟܘܿܗܘܿܠ ܘ \ ܝܲܢ ܩܲܗܘܵܐ
• ܓܵܪܫܝܼܬܘܿܢ ܓ̰ܝܼܓܵܪܹܐ
• ܚܵܣܟܼܝܼܬܘܿܢ ܡܼܢ ܕܡܵܟܼܬܵܐ.

ܕܵܐܟܼܝܼ ܠܒܣܵܡܵܐ ܒܵܬ݉ܪ ܛܘܼܪܵܦܵܐ

ܟܠܚܲܕ ܡܸܢܕܝܼ ܕܡܲܬܸܒܼ ܣܲܠܵܡܲܬܘܼܬܵܐ ܝܲܢ ܚܲܝܹܐ ܕܕܝܼܵܘܟܼܘܿܢ، ܝܲܢ ܕܐ݉ܚܹܪ݉ܢܹܐ ܓܵܘ ܩܸܢܛܵܐ، ܒܸܕ ܫܵܒܼܸܩܠܵܘܟܼܘܿܢ ܕܗܵܘܝܼܬܘܿܢ ܢܲܣܘܼܝܹܐ ܥܝܼܩܘܼܬܵܐ ܕܠܸܒܵܐ. ܐܲܝܵܐ ܟܹܐ ܦܵܝܫܵܐ ܩܪܝܼܬܵܐ ‘ܐܘܼܪܚܵܐ ܥܪܝܼܨܬܵܐ’ ܘܝܼܠܵܗܿ ܐܝܼܡܲܢ ܕܦܲܓܼܪܵܘܟܼܘܿܢ ܓ̰ܲܪܘܼܒܹܐ ܝܠܹܗ ܕܥܵܒܼܹܕ ܚܲܕ ܥܸܢܝܵܢܵܐ ܠܚܕܵܐ ܗܲܕܲܕܬܵܐ. ܦܲܓܼܪܹܐ ܕܕܝܼܲܢ ܓ̰ܲܪܘܼܒܹܐ ܝܢܵܐ ܕܝܵܗܒܼܝܼܠܲܢ ܪܵܒܵܐ ܚܲܝܠܵܐ ܓܵܘ ܚܲܕ ܡܸܬܚܵܐ ܟܸܪܝܵܐ ܕܥܸܕܵܢܵܐ ܩܵܐ ܕܗܲܝܸܪܝܼ ܕܦܵܪܩܲܚ ܡܼܢ ܡܵܘܬܵܐ ܘܦܵܝܫܲܚ ܒܸܚܵܝܵܐ.

ܣܲܗܡܵܐ ܙܵܘܕܵܐ ܕܐ݉ܢܵܫܹܐ ܒܸܕ ܦܵܝܫܝܼ ܓܵܘ ‘ܐܘܼܪܚܵܐ ܥܪܝܼܨܬܵܐ’ ܩܵܐ ܚܲܕ ܡܸܬܚܵܐ ܟܸܪܝܵܐ ܕܥܸܕܵܢܵܐ. ܐܝܼܢܵܐ ܐܲܚܬܘܿܢ ܡܵܨܝܼܬܘܿܢ ܕܵܥܪܝܼܬܘܿܢ ܠ ‘ܐܘܼܪܚܵܐ ܥܪܝܼܨܬܵܐ’ ܐܝܼܡܲܢ ܕܡܸܢܕܝܼܵܢܹܐ ܠܵܐ ܣܒܝܼܪܹܐ ܗܵܘܝܼ ܝܲܢ ܐܝܼܡܲܢ ܕܐܲܚܬܘܿܢ ܝܼܬܘܿܢ ܬܚܘܿܬ ܥܝܼܩܘܼܬܵܐ ܕܠܸܒܵܐ ܚܕܵܐ ܓܵܗܵܐ ܐ݉ܚܹܪ݉ܬܵܐ. ܒܘܼܬ ܗܵܕܟܼܵܐ ܐܲܚܬܘܿܢ ܒܲܠܟܵܐ ܪܵܓܼܫܝܼܬܘܿܢ ܟܟ̰ܝܼܚܹܐ ܒܵܬ݉ܪ ܚܕܵܐ ܩܲܘܲܡܬܵܐ ܛܘܼܪܵܦܵܝܬܵܐ.

ܠܗܲܝܘܼܪܹܐ ܦܲܓܼܪܵܘܟܼܘܿܢ ܕܒܵܣܹܡ ܘܫܲܪܹܐ ܒܣܵܡܵܐ، ܐܲܚܬܘܿܢ ܣܢܝܼܩܹܐ ܝܬܘܿܢ ܕܗܲܝܸܪܝܼܬܘܿܢ ܠܵܗܿ ܓܵܢܵܘܟܼܘܿܢ ܕܦܵܠܛܝܼܬܘܿܢ ܡܼܢ ‘ܐܘܼܪܚܵܐ ܥܪܝܼܨܬܵܐ’. ܒܣܵܡܬܵܐ ܟܹܐ ܗܲܝܸܪܵܐ ܠܦܲܓܼܪܵܘܟܼܘܿܢ ܕܕܵܒ݂ܸܩܠܵܗ̇ ܓܵܢܹܐ ܚܕܵܐ ܓܵܗܵܐ ܐ݇ܚܹܪ݇ܬܵܐ ܘܕܵܥܸܪ ܠܕܲܪܓܼܹܐ ܕܚܲܝܠܵܐ ܥܝܵܕܵܝܵܐ. ܐܲܝܵܐ ܥܝܵܕܵܐܝܼܬ ܟܹܐ ܗܵܘܹܐ ܓܵܘ ܡܸܬܚܵܐ ܕܩܘܼܪܒܵܐ ܠܚܲܕ ܝܲܪܚܵܐ ܡܼܢ ܩܲܘܲܡܬܵܐ.

ܐܝܼܬ ܪܵܒܵܐ ܣܬܪܵܬܝܼܓ̰ܹܐ ܕܡܵܨܝܼ ܗܲܝܸܪܝܼ ܠܵܘܟܼܘܿܢ ܕܦܵܝܫܝܼܬܘܿܢ ܒܘܼܣܡܹܐ ܘܕܫܲܪܝܼܬܘܿܢ ܒܣܵܡܵܐ. ܐܲܚܬܘܿܢ ܡܵܨܝܼܬܘܿܢ:

• ܡܵܘܕܝܼܬܘܿܢ ܕܐܲܚܬܘܿܢ ܥܒܼܝܼܪܹܐ ܝܬܘܿܢ ܓܵܘ ܚܲܕ ܢܸܣܝܵܢܵܐ ܡܲܥܝܸܩܵܢܵܐ ܕܠܸܒܵܐ ܘܡܲܙܕܸܥܵܢܵܐ. ܗܘܼܦܵܟܼ ܥܒܼܵܕܵܘܟܼܘܿܢ ܝܼܢܵܐ ܥܝܵܕܵܝܹܐ
• ܩܒܘܿܠܘܼܢ ܕܐܲܚܬܘܿܢ ܒܸܕ ܪܵܓܼܫܝܼܬܘܿܢ ܕܠܹܐ ܝܼܬܘܿܢ ܐܲܝܟܼ ܓܵܢܵܘܟܼܘܿܢ ܕܩܲܕ݇ܡܬܵܐ، ܐܝܼܢܵܐ ܐܲܝܵܐ ܐܲܗܘܵܠ ܒܸܕ ܥܵܒܼܪܵܐ
• ܓ̰ܲܪܒܘܼܢ ܕܠܵܐ ܟܲܪܒܝܼܬܘܿܢ ܝܲܢ ܣܵܩܕܝܼܬܘܿܢ ܡܼܢ ܓܵܢܵܘܟܼܘܿܢ ܐܸܢ ܠܹܐ ܝܬܘܿܢ ܡܨܵܝܵܐ ܕܥܵܒܼܕܝܼܬܘܿܢ ܡܸܢܕܝܼܵܢܹܐ ܐܲܝܟܼ ܥܝܵܕܵܐ
• ܚܣܘܿܟܼܘܿܢ ܡܼܢ ܡܲܦܠܲܚܬܵܐ ܕܐܲܠܟܘܿܗܘܿܠ ܝܲܢ ܕ ܣܲܡܡܵܢܹܐ ܩܵܐ ܕܗܲܝܸܪܝܼܠܵܘܟܼܘܿܢ ܕܩܵܕܝܼܬܘܿܢ ܠܵܗܿ
• ܚܣܘܿܟܼܘܿܢ ܡܼܢ ܥܒܼܵܕܬܵܐ ܕܦܘܼܣܩܵܢܹܐ ܓܘܼܒܼܪܹܐ ܝܲܢ ܫܘܼܚܠܵܦܹܐ ܓܘܼܒܼܪܹܐ ܓܵܘ ܚܲܝܵܘܟܼܘܿܢ ܗܲܠ ܕܪܵܓܼܫܝܼܬܘܿܢ ܕܝܼܬܘܿܢ ܒܘܼܫ ܨܦܵܝܝܼ
• ܠܵܐ ܡܲܠܝܸܙܝܼܬܘܿܢ ܠܸܕܥܵܪܵܐ ܠܚܲܝܵܘܟܼܘܿܢ ܥܝܵܕܵܝܹܐ
• ܗܲܡܙܸܡܘܼܢ ܥܲܡ ܚܲܕ ܦܲܪܨܘܿܦܵܐ ܕܡܵܨܹܐ ܣܵܢܹܕܠܵܘܟܼܘܿܢ ܘܦܲܪܡܹܐܠܵܘܟܼܘܿܢ
• ܓ̰ܲܪܒܘܼܢ ܕܦܵܝܫܝܼܬܘܿܢ ܒܸܥܒܼܵܕܵܐ ܪܘܿܬܝܼܢܵܘܟ݂ܘܿܢ ܥܝܵܕܵܝܵܐ ܘܦܘܼܫܘܼܢ ܒܠܝܼܓܹܐ
• ܓ̰ܲܪܒܘܼܢ ܕܠܵܐ ܦܵܠܛܝܼܬܘܿܢ ܡܼܢ ܐܘܼܪܚܵܘܟܼܘܿܢ ܩܵܐ ܕܚܵܣܟܼܝܼܬܘܿܢ ܡܼܢ ܗܘܵܝܬܵܐ ܓܵܘ ܚܲܕܟܡܵܐ ܕܘܼܟܵܢܹܐ ܝܲܢ ܥܵܒܼܘܿܕܘܼܝܵܬܹܐ ܕܝܼܠܵܢܵܝܹܐ
• ܪܫܘܿܡܘܼܢ ܥܸܕܵܢܵܐ ܩܵܐ ܡܲܢܝܲܚܬܵܐ
• ܥܒܼܘܿܕܘܼܢ ܥܸܕܵܢܵܐ ܩܵܐ ܢܘܼܦܵܩܹܐ ܦܲܓܼܪܵܢܵܝܹܐ ܪܹܐܙܵܢܵܝܹܐ
• ܐ݉ܡܘܿܪܘܼܢ ܩܵܐ ܒܲܝܬܘܼܬܵܘܟܼܘܿܢ ܘܚܲܒܼܪܵܢܵܘܟܼܘܿܢ ܠܡܘܿܕܝ ܗܲܝܲܪܬܵܐ ܐܲܚܬܘܿܢ ܣܢܝܼܩܹܐ ܝܬܘܿܢ، ܐܲܝܟܼ ܥܸܕܵܢܵܐ ܩܵܐ ܓܵܢܵܘܟܼܘܿܢ ܝܲܢ ܚܲܕ ܦܲܪܨܘܿܦܵܐ ܕܗܲܡܙܸܡܝܼܬܘܿܢ ܥܲܡܹܗ
• ܡܲܦܠܸܚܘܼܢ ܐܘܼܪܚܵܬܹܐ ܕܡܲܢܝܸܚܵܢܘܼܬܵܐ ܐܲܝܟܼ ܝܘܿܓܵܐ، ܫܩܵܠܬܵܐ ܕܢܲܦܲܣ ܝܲܢ ܡܸܬܪܲܢܝܵܢܘܼܬܵܐ (ܬܲܚܡܲܢܬܵܐ ܥܲܡܝܼܩܬܵܐ). ܐܲܚܬܘܿܢ ܐܵܦ ܡܵܨܝܼܬܘܿܢ ܥܵܒܼܕܝܼܬܘܿܢ ܡܸܢܕܝܼܵܢܹܐ ܕܟܹܐ ܚܵܡܠܝܼܬܘܿܢ ܒܥܒ݂ܵܕܬܲܝܗܝ ܐܲܝܟܼ ܡܲܫܡܸܥܬܵܐ ܠܡܘܿܣܝܼܩܵܐ ܝܲܢ ܦܠܵܚܬܵܐ ܓܵܘ ܒܲܓܼܟ̰ܵܐ
• ܡܲܚܙܹܝܡܘܼܢ ܠܗܘܿܢ ܪܓܼܵܫܝܵܬܵܘܟܼܘܿܢ ܐܲܝܟܼ ܕܝܼܬܘܿܢ ܒܸܪܓܼܵܫܲܝܗܝ. ܐܲܚܬܘܿܢ ܡܵܨܝܼܬܘܿܢ ܕܗܲܡܙܸܡܝܼܬܘܿܢ ܥܲܡ ܚܲܕ ܦܲܪܨܘܿܦܵܐ ܒܘܼܬ ܪܓܼܵܫܝܵܬܵܘܟܼܘܿܢ ܝܲܢ ܡܵܨܝܼܬܘܿܢ ܟܵܬܒܼܝܼܬܘܿܢ ܠܗܘܿܢ
• ܟܠܹܝܡܘܼܢ ܠܘܼܩܒܼܵܠ ܕܟܼܵܪܝܵܬܹܐ ܘܕܢܸܣܝܵܢܹܐ ܕܕܝܼܵܘܟܼܘܿܢ ܟܲܕ ܐܲܚܬܘܿܢ ܒܸܪܓܼܵܫܲܝܗܝ ܝܬܘܿܢ. ܬܲܚܡܸܢܘܼܢ ܒܘܼܬ ܕܝܼܲܝܗܝ، ܘܒܵܬ݉ܪ ܗܵܕܵܟܼ ܡܲܬܒܼܘܼܢ ܠܗܘܿܢ ܠܚܲܕ ܓܹܒܵܐ. ܐܸܢ ܡܘܼܝܬ݉ܝܼܠܗܘܿܢ ܕܟܼܵܪܝܵܬܹܐ ܐ݉ܚܹܪ݉ܢܹܐ، ܓ̰ܲܪܒܘܼܢ ܕܦܵܪܫܝܼܬܘܿܢ ܠܗܘܿܢ ܡܼܢ ܩܸܛܪܹܐ ܗܵܫܵܝܹܐ.

ܐܸܢ ܐܲܚܬܘܿܢ ܗܵܠܵܐ ܥܒܼܝܼܪܹܐ ܝܬܘܿܢ ܓܵܘ ܟܘܼܬܵܫܵܐ، ܡܵܨܝܼܬܘܿܢ ܩܵܢܝܼܬܘܿܢ ܗܲܝܲܪܬܵܐ ܚܲܒܝܼܪܬܵܐ

ܥܝܼܩܘܼܬܵܐ ܕܠܸܒܵܐ ܣܘܼܒܸܒܬܵܐ ܒܚܕܵܐ ܩܲܘܲܡܬܵܐ ܛܘܼܪܵܦܵܝܬܵܐ ܡܵܨܝܵܐ ܕܗܵܘܝܵܐ ܐܲܡܝܼܢܵܝܬܵܐ. ܐܲܚܬܘܿܢ ܓܵܪܸܓ ܛܵܠܒܝܼܬܘܿܢ ܗܲܝܲܪܬܵܐ ܚܲܒܝܼܪܬܵܐ ܐܸܢ:

• ܒܸܪܓܼܵܫܵܐ ܝܬܘܿܢ ܪܵܒܵܐ ܥܝܼܩܹܐ ܪܸܓܼܸܫܬܵܢܵܐܝܼܬ ܩܵܐ ܩܘܼܪܒܵܐ ܠܙܵܘܕܵܐ ܡܼܢ ܚܲܕ ܝܲܪܚܵܐ ܡܼܢ ܒܵܬ݉ܪ ܩܲܘܲܡܬܵܐ
• ܗܵܠܵܐ ܒܸܪܓ݂ܵܢܵܐ ܝܬܘܿܢ ܬܒܼܝܼܢܹܐ ܘܣܲܦܝܼܩܹܐ
• ܗܵܠܵܐ ܡܲܚܙܘܼܝܹܐ ܝܬܘܿܢ ܢܝܼܫܲܢܩܹܐ ܦܲܓܼܪܵܢܵܝܹܐ ܕܥܝܼܩܘܼܬܵܐ ܕܠܸܒܵܐ
• ܗܵܠܵܐ ܐܝܼܬܠܵܘܟܼܘܿܢ ܕܡܵܟܼܬܵܐ ܡܲܣܩܸܕܵܢܬܵܐ ܝܲܢ ܚܸܠܡܵܢܹܐ ܠܵܐ ܨܦܵܝܝܼ
• ܓ̰ܲܪܒܘܼܢ ܕܪܵܚܩܝܼܬܘܿܢ ܡܼܢ ܟܠܚܲܕ ܡܸܢܕܝܼ ܕܡܲܕܟܼܸܪܠܵܘܟܼܘܿܢ ܒܢܸܣܝܵܢܵܘܟܼܘܿܢ
• ܠܲܝܬܠܵܘܟܼܘܿܢ ܐܵܦ ܚܲܕ ܦܲܪܨܘܿܦܵܐ ܕܡܵܨܝܼܬܘܿܢ ܫܲܪܸܟܝܼܬܘܿܢ ܠܗܘܿܢ ܪܓܼܵܫܝܵܬܵܘܟܼܘܿܢ ܥܲܡܹܗ
• ܡܲܫܟ݂ܘܼܚܹܐ ܝܬܘܿܢ ܕܐܲܣܘܼܪܹܐ ܥܲܡ ܒܲܝܬܘܼܬܵܘܟܼܘܿܢ ܘܥܲܡ ܚܲܒܼܪܵܢܵܘܟܼܘܿܢ ܠܹܐ ܝܢܵܐ ܨܦܵܝܝܼ
• ܬܲܚܡܲܢܝܵܬܵܘܟ݂ܘܿܢ ܦܝܼܫܹܐ ܝܢܵܐ ܒܘܼܪܒܸܙܹܐ
• ܡܲܦܠܘܼܚܹܐ ܝܬܘܿܢ ܐܲܠܟܘܿܗܘܼܠ ܝܲܢ ܣܲܡܡܵܢܹܐ ܒܘܼܫ ܙܵܘܕܵܐ
• ܠܹܐ ܡܵܨܝܼܬܘܿܢ ܕܕܵܥܪܝܼܬܘܿܢ ܠܫܘܼܓܼ݉ܠܵܐ ܝܲܢ ܕܡܕܲܒܪܝܼܬܘܿܢ ܠܗܘܿܢ ܡܸܫܬܲܐܠܵܢܘܼܝܵܬܹܐ ܕܡܼܢ ܝܵܘܡܵܐ ܠܝܵܘܡܵܐ
• ܦܝܵܫܵܐ ܝܬܘܿܢ ܒܸܬܢܵܝܘܿܗ̇ ܕܟܼܵܪܬܵܐ ܕܢܸܣܝܵܢܵܐ ܛܘܼܪܵܦܵܝܵܐ
• ܒܸܪܓܼܵܫܵܐ ܝܬܘܿܢ ܕܢܸܪܒܼܸܣ ܝܬܘܿܢ ܒܟܠܵܗ̇ ܕܥܸܕܵܢܵܐ ܘܒܗܲܣܵܢܵܝܘܼܬܵܐ ܡܵܨܝܵܢܬܵܐ ܝܠܵܗܿ ܕܦܲܩܸܥ ܠܸܒܵܘܟܼܘܿܢ (ܕܙܵܕܥܝܼܬܘܿܢ).

ܒܘܼܬ ܒܘܼܠܒܵܠܵܐ ܕܡܼܢ ܒܵܬ݉ܪ ܥܝܼܩܘܼܬܵܐ ܕܓܵܢܵܐ ܡܲܫܝܸܡܵܢܬܵܐ (PTSD)

ܡܼܢ ܒܵܬ݉ܪ ܚܕܵܐ ܩܲܘܲܡܬܵܐ ܡܲܥܝܸܩܵܢܬܵܐ ܕܠܸܒܵܐ، ܚܲܕܟܡܵܐ ܐ݉ܢܵܫܹܐ ܟܹܐ ܡܲܫܟܼܚܝܼ ܕܠܹܐ ܗܵܘܝܼ ܨܦܵܝܝܼ ܡܼܢ ܒܵܬ݉ܪ ܩܘܼܪܒܵܐ ܠܚܲܕ ܝܲܪܚܵܐ ܝܲܢ ܗܵܕܟܼܵܐ.

ܐܵܗܵܐ ܬܲܗܵܪܵܐ ܕܗܘܼܦܵܟܼ ܥܒܼܵܕܵܐ ܡܵܨܹܐ ܕܥܵܒܼܹܕ ܟܵܐܪ ܥܲܠ ܚܲܝܵܘܟܼܘܿܢ ܒܪܵܒܵܐ ܐܘܼܪܚܵܬܹܐ. ܗܘܼܦܵܟܼ ܥܒܼܵܕܵܐ ܡܵܨܹܐ ܫܲܚܠܸܦ ܠܐܵܣܘܼܪܵܘܟܼܘܿܢ ܥܲܡ ܒܲܝܬܘܼܬܵܘܟܼܘܿܢ ܘܚܲܒܼܪܵܢܵܘܟܼܘܿܢ ܝܲܢ ܥܵܒܼܹܕܠܵܗܿ ܒܘܼܫ ܙܲܗܡܲܬ ܩܵܐܠܵܘܟܼܘܿܢ ܕܦܵܠܚܝܼܬܘܿܢ.

ܐܵܗܵܐ ܒܲܠܟܵܐ ܗܵܘܹܐ ܒܘܼܠܒܵܠܵܐ ܕܡܼܢ ܒܵܬ݉ܪ ܥܝܼܩܘܼܬܵܐ ܕܓܵܢܵܐ ܡܲܫܝܸܡܵܢܬܵܐ (PTSD).

ܐܸܢ ܐܲܚܬܘܿܢ ܒܸܚܫܵܒܼܵܐ ܝܬܘܿܢ ܕܒܲܠܟܵܐ ܡܢܲܣܘܼܝܹܐ ܝܬܘܿܢ PTSD، ܓܵܪܸܓ ܐܲܚܬܘܿܢ ܛܵܠܒܝܼܬܘܿܢ ܗܲܝܲܪܬܵܐ ܡܼܢ ܚܲܕ ܚܲܒܝܼܪܵܐ ܕܚܘܼܠܡܵܢܵܐ.

ܐܸܢ ܒܟܠ ܥܸܕܵܢܵܐ ܕܗܵܘܝܵܐ ܐܲܚܬܘܿܢ ܒܸܙܕܵܥܝܵܐ ܝܬܘܿܢ ܒܘܼܬ ܚܘܼܠܡܵܢܵܐ ܕܗܵܘܢܵܐ ܕܕܝܼܵܘܟܼܘܿܢ ܝܲܢ ܕܚܲܕ ܚܲܒܝܼܒܼܵܘܟܼܘܿܢ، ܡܲܚܒܸܪܘܼܢ ܩܵܐ Lifeline ܥܲܠ ܡܸܢܝܵܢܵܐ 14 11 13.