Better Health Channel
betterhealth.vic.gov.au Department of Health
betterhealth.vic.gov.au Department of Health

Астма предизвикана од бура со грмотевици (Thunderstorm asthma - Macedonian)

Дознајте за предупредувањата, симптомите и третманот на астма предизвикана од бура со грмотевици. Бидете подготвени оваа сезона на полен од трева.

English

Што е астма предизвикана од бура со грмотевици?

Во Викторија, сезоната на полен од трева обично трае од 1 октомври до 31 декември. Во овој период, може да забележите зголемување на случаевите на астма и поленската треска (алергиски ринитис). Сезоната, исто така, носи можност за астма предизвикана од бура со грмотевици.

Астма предизвикана од бура со грмотевици може да се појави кога во воздухот има многу полен од трева и специфичен вид на бура со грмотевици. Зрната од поленот од трева се креваат во ветерот и се носат на долги растојанија. Некои можат да се отворат и да ослободат ситни честички кои се концентрирани во налетите на ветерот што доаѓаат непосредно пред бура со грмотевици. Овие честички се доволно ситни за луѓето да ги вдишат длабоко во белите дробови и можат брзо да предизвикаат симптоми на астма, дури и кај оние кои никогаш претходно немале астма.

Кога голем број луѓе развиваат симптоми на астма во краток временски период за време на овие состојби, тоа е познато како епидемична астма предизвикана од бура со грмотевици.

Кој е изложен на ризик?

Луѓето кои се изложени на ризик од астма предизвикана од бура со грмотевици се оние кои сега имаат или во минатото имале астма, имаат недијагностицирана астма или пролетна поленска треска. Ризикот е уште поголем кај луѓето кои имаат и астма и поленска треска, особено ако нивната астма е слабо контролирана.

Заштитете се себеси оваа сезона на полен од трева

Можете да се заштитите себеси и оние за кои се грижите со следење на овие едноставни чекори:

  • Следете ја прогнозата за ризик од епидемична астма предизвикана од бура со грмотевици:
  • Не одете надвор за време на бура со грмотевици, особено за време на ветровите што претходат. Влезете внатре и затворете ги вратите и прозорците. Исклучете ги сите клима уреди што внесуваат воздух однадвор во домот или во автомобилот (вклучувајќи ги и клима уредите со испарување).
  • Земете ги вашите превентивни лекови како што е препорачано.
  • Знајте како да се справите со напад на астма. Следете го вашиот план за дејствување при напад на астма или употребете прва помош за астма.

Астма

  • Доколку имате астма – разговарајте со вашиот матичен лекар за да ја проверите контролата на астмата и да го прегледате и ажурирате вашиот план за дејствување при напад на астма за да се осигурате дека го имате точниот лек за астма и да проверите дали го користите правилно. Запомнете, земањето превентива за астма како што ви е препорачано е од клучно значење. Тоа помага во спречување на симптомите на астма, вклучително астма предизвикана од бура со грмотевици.
  • Ако некогаш сте имале астма – разговарајте со вашиот матичен лекар за тоа како да се заштитите од ризикот од астма предизвикана од бура со грмотевици.
  • Ако сте имале свирење во градите, отежнато дишење, стегање во градите или постојана кашлица – консултирајте се со вашиот матичен лекар. Лекарот може да ви помогне да откриете дали имате астма и како да ги контролирате тие симптоми.
  • Секогаш носете го вашиот лек за олеснување на астмата – ова е вашиот лек за прва помош при итни напади на астма.

За благи симптоми на астма, посетете го вашиот матичен лекар, разговарајте со фармацевт или побарајте други опции за нега. Ако вашата состојба не се подобрува или се влошува, јавете се на 000 или одете во болница.

Поленска треска (hay fever)

  • Ако имате пролетна поленска треска, разговарајте со вашиот фармацевт или матичен лекар. Тие можат да ви помогнат да креирате план за лекување на поленска треска и да предложат начини да се заштитите од астма предизвикана од бура со грмотевици. Тоа ќе опфаќа знаење каде брзо можете да набавите инхалатор (puffer) за ублажување на астма во случај да развиете астма предизвикана од бура со грмотевици – тие се достапни во аптеките без рецепт.
  • Доколку развиете симптоми на астма, следете ги чекорите за прва помош за астма и не заборавајте да се консултирате со вашиот матичен лекар.
  • Ако сте доживеале какви било симптоми на астма со поленска треска или не сте сигурни - посетете го вашиот матичен лекар. Откако ќе се постави дијагноза, можете да добиете ефикасен третман што ќе ви помогне да се чувствувате и да дишете подобро.

Прва помош за астма

Важно е секој во заедницата да знае прв помош за астма. Информации за прва помош за астма се достапни од Better Health Channel, Asthma AustraliaExternal Link и National Asthma Council AustraliaExternal Link .

Веднаш јавете се на три нула (000) ако:

  • лицето не дише
  • неговата астма одеднаш се влошува или не се подобрува
  • лицето има напад на астма и нема достапни лекови за ублажување на астмата
  • лицето не е сигурно дали станува збор за астма
  • познато е дека лицето има анафилакса. Во тој случај, секогаш прво давајте автоинјектор за адреналин, а потоа лек за ублажување на астмата, дури и ако нема кожни симптоми.

За пристап до овие информации на други јазици, контактирајте ја Службата за писмено и усно преведување (TIS National)External Link на 131 450 (бесплатен повик) и замолете ги да се јават на Nurse on Call (дежурна медицинска сестра на повик).

Доколку сте глуви, наглуви или имате говорно/комуникациски проблеми, контактирајте ја National Relay Service - NRS (Национална служба за поврзување со лица со оштетен слух или говор)External Link и замолете ги да се јават во Nurse on Call (дежурна медицинска сестра на повик).

Content disclaimer

Content on this website is provided for information purposes only. Information about a therapy, service, product or treatment does not in any way endorse or support such therapy, service, product or treatment and is not intended to replace advice from your doctor or other registered health professional. The information and materials contained on this website are not intended to constitute a comprehensive guide concerning all aspects of the therapy, product or treatment described on the website. All users are urged to always seek advice from a registered health care professional for diagnosis and answers to their medical questions and to ascertain whether the particular therapy, service, product or treatment described on the website is suitable in their circumstances. The State of Victoria and the Department of Health shall not bear any liability for reliance by any user on the materials contained on this website.

Give feedback about this page

Reviewed on: 01-10-2025